My Roommates بالكاريكاتير

مرحبا

هذه كاركاتيرات عن My Roommates ، أصدقائي ، ورفاقي الأعزاء

اللي بقضي معهم معظم أوقاتي ، واللي بتقاسم معهم همومي وأفراحي وأتراحي

بتعرفوا نحنا كل النهار بوجه بعض ، لما بنكون رايقين بنتناقش وبنتحاور وبنمزح وبنضحك..هيك لحتى نملّ من بعض

المرحلة التانية ، بنصير نشتغل ببعضنا ، وكل واحد ينكّش للتاني ،  وبنختلق نزاعات وهمية لحتى يصير في إثارة في الجو وترجع الأمور لمجاريها

أحياناً بضيق خلقي من كتر الضجيج والفوضى ، وبتمنى أن مضي كم يوم لحالي بدون إزعاج ،  ولما بصير لحالي بعد أول كم ساعة بشعر بالوحدة ، وبكتشف أني ما بحسن عيش بدونهن

وبالرغم من كل اختلافاتنا عن بعض ، كل واحد يكمل الآخر ، وكل واحد عنده أشياء مميزة ، وأنا بعترف أني تعلمت كتير أشياء منهم

.

.

طبعاً هي الرسومات ليست كاريكاتيرات تماماً ، ربما هي  أقرب للرسوم الكرتونية ، لأنه الكاريكاتير – متل ما بتعرفوا – مهمته المبالغة في إظهار العيوب والسخرية ، يعني له روح شريرة   - نوعاً ما – ،وهذه الرسوم مسالمة جداً (يعني  كنت رايق نوعاً ما لما رسمتها) ، على كل حال لا تهمني التسميات كثيراً طالما إني أفكاري تعبر عن نفسها .

.

سأحاول أن أخبركم عن شخصياتهم ، (ولو أني مو شاطر بالوصف)

أول شي : مؤمن

مؤمن شخص حباب جداً ، وبسيط بدون أي تكلف ،لديه براءة الأطفال وإزعاجهم أحياناً ،

أول من يخرج من البيت صباحاً إلى الدوام وآخر من يعود ،

حساس لمشاعر الآخرين رغم كل اللامبالاة الظاهرة ،

ولديه ضحكة مميزة أستطيع تمييزها من مسافة 10 كيلومتر  ،

.

.

.أما أنس :

أنس شخصية متعددة المواهب والملكات ،موسيقي من الدرجة الممتازة ، وكثيراً ما تخطر له الإبداعات في منتصف الليل والناس نيام

لديه فضول وحب استطلاع تجاه كل ما هو جديد ، ودائماً  فوق رأسه علامة استفهام كبيرة 

ويا من تراه فاتح الويكيبيديا وعم يقرأ في هالصفحات

وهذا مشهد نادر كان فيه أنس هادئاً !

.

هناك أبيات شعر جميلة أحفظها  لـلإمام عبد الله بن المبارك – رحمه الله-  ،  يقول فيها:

إذا صاحبت في الأسفار قوماً  *** فكن لهم كذي الرحم الشفيـقِ

بعيب الذات ذا بصـــر وعلمٍ  *** غني النفس عن عيب الرفيقِ

ولا تأخذ بعــــثرة كل شخصٍ ***  ولكن قل : هلمّ إلى الطريقِ

فإن تأخذ بعــثـــرتهم يقــــلّوا *** وتبقى في الزمان بلا صديـقِ

الأبيات سهلة لمن حفظها ، لكن البطولة أن نطبقها ..أتمنى أن نكون كذلك