باب الحارة 4 ..ورحلة البحث عن أبو شهاب

28 08 2009

باب الحارة المسلسل السوري الناجح الذي تابعناه بشغف على مدى ثلاثة أجزاء ماضية ، يقدم هذا العام لمشاهدية جزئه الرابع مع غياب كوكبة من الممثلين الرئيسين كان أخرهم هو (سامر المصري : العقيد أبو شهاب)

مجلس الحارة بعد رحيل الكبار

أبو شهاب - آخر الراحلينأبو عصام ..لن يعودالزعيم  ..رحل بصمت

.

بصراحة لا أخفي إعجابي بمخرج هذا المسلسل (بسام الملا) الذي ما زال يناضل للحفاظ على قوة المسلسل وحيويته بالرغم من تساقط نجوم المسلسل واحداً تلو الآخر تاركين ورائهم الحارة وأهلها عرضة للأخطار من كل حدب وصوب

.

التجربة التي مر بها المخرج في الجزء الماضي بعد استبعاد الفنان (عباس النوري : أبو عصام) أعطته خبرة مستقبلية في التعامل مع مثل هذه الأحداث

فعندما أعلن نبأ مقتل أبو عصام في الحلقة الأولى في الجزء الثالث ، ثارت ثائرة المشاهدين لهذا النبأ ،  حتى أن مصيبتهم بوفاته أكبر من مصيبة أهل الحارة أنفسهم ، وربما قرأتم وشاهدتهم الاحتجاج على هذا الاستبعاد في الصحف أو التلفاز ،

وهذا ما دفع المخرج أن يختتم الجزء الماضي بمعركة كبيرة بين رجال الحارة وبين الفرنسيين تبقى نتيجتها مجهولة ولا يتم الكشف عنها إلا في الجزء الرابع

وهكذا يبقى للمخرج (أو المنتج) حرية إخراج من يشاء من الممثلين دون حرج أو ضير ، فإذا اعتذر أحد منهم عن الاشتراك في الجزء القادم لأسباب مالية أو انشغال أو غيره ..بكل بساطة يذاع نبأ وفاته في المعركة ويترحم عليه الناس ويطوى ذكره ، دون أن توجه أصابع الاتهام نحو أحد ودون أن يشاع أن استبعاده كان لأسباب مالية ! ..يعني هذه مشيئة الله ، وما حدا بيعترض على إرادة الله !

. الرجاء ذكر المصدر  عند النقل أو الاقتباس : مدونة مجّوود

أما الخطوة التي كانت أكثر ذكاء ، فهي قصة اختفاء العقيد أبو شهاب ..

أدرك المخرج أن خبراً مثل “مقتل أبو شهاب” لن يمر على خير ، وسيحكم على المسلسل بالفشل مسبقاً ،وربما سيعرض المخرج والمنتج لنقمة جماهير المسلسل الغاضبة :)

لذلك كانت الفكرة هي في سيناريو اختفاء أبو شهاب عن الحارة بشكل غامض ، هو موجود لكن لا أحد يعرف أين ، وبين الحين والآخر يشاع خبر عنه ، وهكذا نبقى ننتظر  عودة العقيد أبو شهاب إلى الحارة ليستلم قيادة المعركة ضد الفرنساوي ..لكن يبدو أن انتظارنا سيطول كثيراً  !

.الحارة بانتظار عودة أبو شهاب

.

هذا السيناريو ليس جديداً على المشاهد العربي ، فقصة الاختفاء تبدو مقبولة لدى المشاهد سواء في المسلسلات أو على أرض الواقع ، فقد تابعنا من قبل أخبار اختفاء شخصيات سياسية عديدة مثل “أسامة بن لادن” و “صدام حسين”  وغيرهم  ، ولا بد أنكم ما زلتم تذكرون التسجيلات الصوتية التي كانت تؤكد مصداقية الخبر ..

فهل يا ترى نسمع قريباً عن تسجيل صوتي للعقيد أبو شهاب يدعو فيه أهل الحارة للصمود في وجه الفرنساوي ؟!

خبر عاجل عن اختفاء أبو شهاب

يمكن زودتها شوي .. يبدو أن البهرجة الإعلامية صارت في دمنا :lol:

على فكرة : لا تعتقدوا أني مهووس بالمسلسلات مثل بعض ناس ..أنا ما شاهدت من الجزء الماضي إلا بعض حلقات ..بس المسلسل ترك عندي صورة جميلة لما كانت عليه الشام وأهلها في زمن ليس ببعيد ..

لكن ألا تستغربون أن تصل شهرة المسلسل إلى البيت الأبيض حتى يطلب مسؤول إعلامي فيه نسخة من المسلسل ليعرف سبب الضجة التي أثيرت حوله (الخبر في موقع arabian business )

.

abo-shehab-rev

أخيراً أتمنى أن يستطيع (الملا) أن يحافظ على جمالية باب الحارة ورونقه ، كما عودنا في أعماله السابقة ، وإلا فالأفضل أن يتوقف عند هذا الحد ..ويترك للمشاهد ذكرى جميلة في الأجزاء السابقة التي شاهدها .

.

تدوينات ذات صلة : سهرة رمضانية بدون فضائيات

About these ads

الإجراءات

Information

77 responses

21 11 2009
صابر

نرايد عوده ابوشهاب الى باب الحارة لمد لم يعد ابوشهاب فى باب الحارة4 هل مات وا لم يشرك فى باب الحارة وهل سيعود الى باب الحارة5
شكرن على حسن استمعكم لي

18 12 2009
امينة

ان شاء الله سيعود ابو شهاب انا راضية علئ باب الحارة

18 12 2009
فتيحة

انا من محبي باب الحارة واتمتنى النجاح

19 12 2009
محمد

انا بكره ابو غالب

24 12 2009
ترتيل

احس مسلسل شاهدته في حياتي هو باب الحارة

8 01 2010
maamoun

اريد ان اشاهد الجزء 5

29 01 2010
ابو العز

السلام عليكم ورحمة الله وبركاته بصراحه باب الحاره ازين مسلسل مرعلي واحبه مووووووووووت ا حلى جزء مرعلي الجزء الثاني لان كل الشخصيات المهمه فيه والجزء الثالث بعد حلوالرابع حلو اللي شين الجزء الرابع اختفاء ابوشهاب لان ابوشهاب شخصيه مهمه في باب الحاره اكثر اربع اشخاص احبهم هم ابوشهاب (المختفي)ابوعصام(الله يرحمه)وابو حاتم ومعتز واشكر حسام الملا على المسلسل الحلوهل ابوشهاب بيطلع في الجزء الخامس ان ماطلع فني منيب مناظر الجزء الخامس

8 02 2010
عبد الله محمد النمري

منشور رقم 1‏Osama‏ كتبـ/تفي 29 نوفمبر، 2009‏ عند 07:20 صباحاً‏
المشهد 1 : ابو شهاب بالحاره

فتحي يقف على باب الحاره منتظرا ابو شهاب !!
ياتي عليه ابو جاسم : شبك فتحي ليش مسكر البوايكيه !! و واقف هون ؟؟
فتحي !! اه !! لا ما في شي بس كنت تعبان شوي حبيت اجي واشرب كاسة شاي بالقهوه
ابو جاسم : اذا كنت تعبان لشو واقف هون ! روح روح ارتاح بالبيت !!
فتحي : ايه عمي هلق بروح !! بس عم استنى رجال من طرف الحج عبد الرازق
ابو جاسم : تصطفل
وما هي الا لحظات ويظهر ابو شهاب ..
يمضي فتحي مسرعا داخل الحاره ويصرخ فيها وبكل ازقتها ..
العقيد ابو شهاب رجع !! يا اهل الحاره !! عقيد الحاره ابو شهاب رجع !!
العقيد رجع يا رجال !! ابو شهاب رجع يا اهل الحاره
ويتسابق اهل الحاره لوسط الحاره ويخرجون من كل بيت وكل دكان وكل مكان بالحاره مسرعين للترحيب بابو شهاب والفرحه على وجوههم !!
يبدا اهل الحاره بتهنئة ابو شهاب !!وتتعالى الزغاريط من وراء ابواب البيوت ..
ابو ساطور يذهب لبيت مامون بيك ويخبره بوصول ابو شهاب
مامون بيك : اي سمعت !! وينو هلق ؟؟
ابو ساطور : ببيت اخوه ابو جاسم
مامون بيك : مشي !! روح انت من هون !!

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 2 : ابوشهاب ورجال الحاره

ابو شهاب : وهاد اللي صار معي يا رجال من وقت ما طلعت من الحاره لحد اليوم !!
ابو بشير: معقوول !! ابو غالب يطلع منو خير؟؟؟
بس ليش ما خبرنا عنك؟؟
ابو شهاب : ابو غالب خبر ابو النار وابو النار خبر ابو حاتم !! بس ابو حاتم طلب منو ما يخبر حدا !!
صحيح وينو ابو حاتم ماني شايفو ؟؟
ابو جاسم : والله يا اخي ما بعرف اخد الحصان تبعك وكان ملبك ومستعجل كتير وطلع من الحاره ولهلق ما رجع !!
ابو شهاب : خير ان شاء الله !!
وهنا يدخل مامون بيك : السلام عليكم !!
والله يوم الهنا ويوم السعد يا حارة الضبع !!اهلين بالعقيد ابو شهاب !! عقيد حارات الشام كلها !!
ابو شهاب يقف وقفة المستغرب للرجل الذي امامه !!
فيخبره ابو جاسم هادا الزعيم ” مامون ابن كامل الضبع ”
ابو شهاب : ” بتردد “اهلين مامون بيك ”
حكولي الشباب عن فعايلك وشهامتك بالحاره !! وحكولي انو لولاك كانت الحاره ضلت محاصره والله اعلم شو كان صار بالعباد!!
مامون بيك : يا ابو شهاب هي حارتي واهلها اهلي ! واي شي بعملوا مشانها فهادا لانو واجبي وما الي مننيه على حدا !! نيتي على حالي !!
ابو شهاب : اي شرفوا شرفوا يا رجال !!
اي مامون بيك !! احكيلنا شو صار معك و وين كنت وليش غبت كل هالمده عن الحاره !!

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 3 : عبدو يعود من الغوطه

ابو حاتم : لك وينك يا رجال اتاخرت كتير !! انشغل بالنا عليك
عبدو : مصيبه يا جماعه مصيبه !!
ابو حاتم : مصيبة شو ؟؟
ابو عصام : خير عبدو شو في ! احكي!!
عبدو : مامون طلع داسوس للفرنساوي
ابو عصام : وكيف عرفت هالشي ؟؟
عبدو : راقبنا المكان انا وابو حسن !!
ابو عصام : اي !!!
عبدو : ما طولنا كتير ولقينا الدرك حوط المكان اللي كان فيو ابو الحسن ورجالو
ابو حاتم : لعمى .. والله مصيبة
عبدو : ابو حسن قلي خبرك انو لازم نتحرك بسرعه ونخلص من مامون هادا !! لانو داسوس ” ما في كلام ”
ابو عصام : سماع ابو حاتم !! من كل بد لازم تجيب عصام ومعتز لهون !! وبكره من كل بد لازم ننهي كل شي !!
يطرق الباب وياتي عمر :
عمر : مرحبا يا رجال !!
ابو حاتم : اهلين عمر ! شو في عندك ؟؟؟
عمر : ابو شهاب رجع عالحاره !!
ابو عصام : ابو شهاب !! الله اكبر !!
ابو حاتم : واخيرا رجعت يا ابو شهاب !! الف الحمد لله على كل شي الف الحمد لله
ابو عصام : ابو حاتم !! لازم تخبر العقيد ابو شهاب بكل شي بتعرفو ومن بعدها بتشوف رائيو !!! وضروري تجيب معتز وعصام معك بكره

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 4 : ابو شهاب ورجال الحاره

ابو شهاب : يا سيد مامون كل شي عملتو للحاره واهلها على العين والراس !! والشي اللي عملتو بينحط عالراس وهالحاره حارتك .. بس من بعد اذنك واذن الحاضرين !! انا ما فيني اتخيل زعيم للحاره غير ابو صالح الله يرحمو ”

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 5 : مامون بيك بالبيت

يحدث مامون بيك نفسه ويقول :
لعمى !! الدرك ما لقى ابو حسن وجماعتو !! لوين راحو؟؟ معقول حسوا عليهن قبل ما يجو ؟؟
وابو شهاب!! رجعتو هلق مو وقتها بنوب !!وابو ساطور هو الشاهد الوحيد على كل شي ومعتز كشف الغراض عندو .. لازم اخلص منو الليله قبل بكره !!

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 6 : مامون وابو ساطور

ابو ساطور : اهلين زعيم !! غريبه جايني بنص الليل !!! خير شو صاير ؟؟
مامون بيك : انت مو حاسس بشي !!
ابو ساطور : خير زعيم ؟؟
مامون بيك : رجعت ابو شهاب مو لصالحنا بنوب !! بكره العقيد بينبش كل شي صار وممكن يوصللنا !!
ابو ساطور : وشلون بدو يوصللنا ؟؟
مامون بيك : العقيد منو سهل بنوب !! وما بيمرق عليه شي بسهوله !!
ابو ساطور : انا اللي بعرفو ابو شهاب منو هين !! بس ما فيو يعمل شي لانو نحنا مرتبين كل شي !!
مامون بيك : مزبوط بس في شي واحد ما حسبنا حسابو !!
ابو ساطور : شو هو زعيم !!
بالاول عملي كاسة شاي وبعدين بحكيلك !!
ابو ساطور : امرك زعيم !!
وينتظر مامون بيك ابو ساطور عند مدخل المطبخ وما ان يخرج منه حتى يبادره بطعنة في ظهره فيرديه قتيلا !!

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 7 : مامون بيك

في حلكة من الليل خرج مامون بيك من بيت ابو ساطور كالخفافيش بعد ان قام بقتل ابو ساطور ولم يحس عليه او يره احد وغادر لبيته بصمت تاركا جثة ابو ساطور مكانها !!وذهب للهاتف مباشرة
الووووو !! : مامون بيك
دومنيك ايه !! سيدي الوضع ما بطمن بنوب ابو شهاب رجع عالحاره ولساعتو عايش !! وما بعرف شلون عرف ابو حسن بامر وصولكن !!
اي سيدي !! والمالكانات اشتراها واحد اسمه ابو النور
لا ما بعرف مين هو ولا بعرف من وين !! هادا شغلكن سيدي
وفي شي تاني!! الليله خلصت على احد الشهود !! وكل شي مر على خير

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 8 : ابو حاتم وابو شهاب

ابو حاتم : والله لما وصلني خبر رجعتك بالسلامه حملت حالي وجيت لهون على الحارك
ابو شهاب : والله اهلين بعمي ابو حاتم !! شو وين كاين اليوم ؟؟ قالولي اخدت الحصان وكنت ملبك !! خير شو القصه ؟
ابو حاتم يهم بالرد على ابو شهاب فتدخل شريفه !! فيقول لها ابوحاتم
شلونك يا بنتي !! هي ابن عمك قدامك رجعلك بالسلامه
شريفه : الحمد لله يا ابي الله رجعلي اياه بالسلامه
ابو شهاب : شريفه اصيله وبنت اصول
ابو حاتم : الله يديم اصلك ويعزك يا عقيد !
شريفه بعدما تقدم الضيافه !! ابن عمي !! بتحب تتعشوا هلا ؟؟
ابو شهاب : اي شو عليه !! خلنا ناكل سوا !! اشتقنا لقعدات عمي ابو حاتم !!
اي عمي شو وين كنت ؟؟
ابو حاتم : بالاول قللي شفتو لمامون بيك ؟
ابو شهاب : اي شفتو !! بس بدك الصراحه ما ارتحتلو !!
يبتسم ابو حاتم ويقول : صهري !! من وقت اللي اجا فيه مامون عالحاره !! الحاره انقلبت فوقاني تحتاني !!
ابو شهاب : اي قلي فتحي كل شي صار بغيابي !! بس شو علاقة مامون باللي صار بالحاره ؟؟
ابو حاتم : يا عقيد !! مامون ورا كل شي عم يصير !!
سرقة دكان ابو خاطر !! وتلبيس عبدو التهمه !! ومحاولة قتلو !!
ابو شهاب : شلووووووووووووون ؟؟
عبدو كان بدو ينقتل؟؟؟
ابو حاتم : اي !! واللي كان ورا هالشي مامون !! وابو ساطور كان يعمل كل شي لمامون .. وابو ساطور كان بدو يقتل عبدو مع كم ازعر
ابو شهاب : يا بااااااااطل !!
ابو حاتم :بس قصة موت فريال خانوم مو لاقينلها حل بنوب !!
ابو شهاب : شلون يعني؟؟ وليش لهلا سامحينلو يشتغل على كيفو ؟؟ يعني اذا كان ابن اخوه للزعيم ابو صالح بتتركوه يشتغل عل كيفو ؟؟ لا ما فشر واحد متلو يحمل اسم الزعيم و وراه كل هالمصايب !!
ابو حاتم : يا ابو شهاب !! نحن فينا نجيب ابو ساطور ونخليه يقر بكل شي !! بس ما راح نستفيد شي !!
اكتر شي راح يقولو انو مامون هو اللي دبر وخطط وهو ورا كل هالشي !! اكيد ابو ساطور ما بيعرف اكتر من هيك !! ونحنا ما بيهمنا هالشي بالدرجه الاولى !!
ابو شهاب : ما فهمت عليك !! لا يكون لانو ابن اخوه للزعيم ساكتين عليه ؟؟
ابو حاتم : ابو شهاب !! مامون بيك واحد خسيس ودخيل على الحاره ولا هو ابن اخوه للزعيم ولا بيمتلو بصله !!
ابو شهاب : شوووووووو ؟؟ مو ابن اخوه للزعيم؟؟ لكان مين بيكون ؟
ابو حاتم : داسوس من الفرنساوي !!
ابو شهاب ينهض من كرسيه فزعا : الله اكبر !! شو عم تقول انت؟؟ ومن وين جبت هالكلام؟؟؟
ابو حاتم : ابو عصام كشفو !!!
ابو شهاب : شلوون عمي ؟؟ مين ابو عصام؟؟
ابو حاتم : ابو عصام صهرك !! الحكيم !!
ابو شهاب: عمي ابو حاتم؟؟؟ شو عم تحكي انت ؟؟ ابو عصام استشهد من ايام وشهور
ابو حاتم : ابو عصام لسا عايش يا ابو شهاب !! ابو عصام حي يرزق !!

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 9 : المندوب السامي

اسمعني جيدا !! هناك رجل يدعى ابو النور !! اشترى الاملاك التي تخص حارة الضبع والمعروضه بالمزاد قبل اسبوع !!
يجب ان تعرف من هو واين يسكن !!وليس ذلك وحسب!! بل يجب ان تاتيني به فور

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 10 : ابو شهاب وابو حاتم

تذرف عيون ابو شهاب حينما يسمع خبر وقصة ابو عصام وانه على قيد الحياه ويقول :
يااااااااااااااه يا عمي ابو حاتم !! مشتاق لابو عصام خيرات الله !! والله !! والله الفرحه مو واسعتني بنوب !!
من وقت ما اختلفنا وقت اللي كانت قصة طلاق ام عصام ما صحلي شوفو ولا اقعد معو !! ما صحلي اعتذر منو على الشي اللي عملتو معو ” ويستمر بالبكاء ” ولما سمعت بخبر موتو زعلت كتييييير كتير !! اااااااايه يا ابو حاتم !! وهلا ما عم صدق !! معقول بعد كل هالمده ارجع شوفو ؟؟ معقول يكون عايش؟؟
هلا هو بعيد عن الحاره؟؟ يعني فيني شوفو الليله ؟؟
ابو حاتم : لا يا ابو شهاب ؟؟ انت ما الك طلعه من الحاره بهيك وضع !! بعدين ابو عصام بدو اياك تضل بالحاره !!
لانو مخطط براسو نكشف حقيقته لمامون بيك وقدام كل الحاره !! لانو كل الحاره مخدوعين فيه !!
ابو شهاب : وشو هي الخطه اللي براس ابو عصام ؟
ابو حاتم : ما بعرف شو هي بالضبط !! بس هو طلب انو يشوف عصام ومعتز ويظهر راح يعتمد عليهن بهالشي !!
لانو بس مبارح اتاكدنا انو مامون انو عميل للفرنساوي
ابو شهاب : شلون ؟؟؟
ابو حاتم : عن طريق ابو حسن ورجالو
ابو شهاب : كيف يعني ؟؟
ابو حاتم : راح احكيلك كل شي بس قللي بالاول !! شو ناوي تعمل ؟؟
ابو شهاب : انا عن نفسي ما راح اسكت !! وحياة عزك يا شام !! وحياة ترابك الغالي !! ما بكون ابو شهاب اذا تركتك تنفد بريشك يا مامون !!
ابو حاتم : شو في براسك صهري؟؟
ابو شهاب : بدي شوف ابو ساطور !! الا ما يكون بيعرف شي نحنا مامنعرفو

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 11 : ابو شهاب وابو جاسم

اي اخي ابو شهاب !! في شي بدي قلك اياه
ابو شهاب : شو هو !! احكي
ابو جاسم : بدنا تدبرلنا شي بيت لصبحي !!
ابو شهاب : اترك الموضوع عليي .. في شي تاني!! المالكانات اللي بتخص الحاره واللي صادرتها البلديه من كم سنه اذا بتذكر !! انعرضت للبيع من كم اسبوع !! شو صار فيها !!
ابو جاسم : اطمن اخي ابو شهاب!! المالكانت رجعت للحاره واهلها !
ابو شهاب: شلون ؟؟؟
ابوجاسم : انا اشتريتها !! عن طريق ابو النور !!

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 12 : ابو حاتم وعصام وابو العز

ابو حاتم : مرحبا يا رجال !!
عصام : اهلين عمي ابو حاتم !! شرف !
ابو حاتم : شلونك ابو العز !! ولا بتحب ناديك عقيد ؟؟
معتز : ولو عمي ابو حاتم !! عسلامتو خالي ابو شهاب ! ما عاش اللي يكون عقيد بوجودو
ابو حاتم : ابني عصام !! الله يرضى عليك اي زبون بيجيك هلا صرفو !!
عصام : خير عمي ابو حاتم شو في ؟؟؟
ابو حاتم في حديث بدي احكيه معكن وما بدي حدا يسمعو!!
معتز : تفضل عمي ابو حاتم !!
ابو حاتم : بتتذكروا اليوم اللي استشهد فيه ابوكن الله يرحمو ؟؟
معتز تتغير ملامحه اشارة للحزن : ومين في ينسى هاليوم يا عمي ؟؟ بس ليش عم تسأل هالسوال ؟
ابو حاتم : يا ترى حدا فيكن شاف جثتو او بيعرف وين هو مدفون؟؟
عصام : عمي انت بتعرف انو نحنا ما لقينا الا غراضو والدم مغرقهن !! بعدين شو القصه ؟؟ ادخل بالموضوع دغري !!
ابو حاتم يتبسم ويقول : ابوكن لسا عايش !!
معتز وعصام معا : شووووووووو !! عم تحكي عنجد ؟؟؟
ابو حاتم : لكااااااااان عم احكي جد !! ومو بس هيك !! صرت شايفو كزا مره !!
معتز يمسك بابو حاتم ويكاد يبكي !! عمي يستر على عرضك مو وقت مزحك هلق
ابو حاتم : والله ما عم امزح !! عم قلك ابوكن عايش وشفتو كذا مره وحكيت معو !!
يبدا عصام ومعتز بالبكاء وبنثر الكلام ما بين كيف وايمت ووين وكثير من هذا الكلام !!!
ابو حاتم : عصام ! معتز !! اتاكدوا انو كل شي حكيتلكن ياه صدق !! وما لازم حدا يدرى باللي حكيتو !!! فهمانيين ؟؟
عصام : ليش عمي !! خبر متل هاد لازم كل الحاره تعرفو !!
معتز يتلعثم في كلامه !! ويقول : مو مهم !! المهم هلا وينو بدنا نشوفو
ابو حاتم : اطمنوا !! راح ابعتكن لعندو !!! لانو هو بذاتو طلب يشوفكن!!
معتز : ايمتى عمي ايمتى !!
ابو حاتم: قعدو شوي لقلكن شو ياللي صار مع ابوكن من وقت ما طلع من الحارلليوم وبعدها منتسهل لعندو

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 13 : ابو شهاب وفتحي

ابو شهاب : فتحي !! بتروح هلا وعلى الحارك على بيت ابو ساطور وبتقلو العقيد ابو شهاب بدو اياك ضروري !! وما بترجع الا وهو معك
فتحي : امرك عقيد !!
ابو شهاب يحدث نفسه : ماشي يا ابو ساطور ماشي

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 14 : ابو جودت بحارة الضبع

يخرج ابو جودت من السجن بعد ان تم تسريحه من الخدمه العسكريه وبعد اعدام ابو طاحون ويدخل ابو جودت على حارة الضبع لكي يشتري الخضار من عند ابو مرزوق وكان لابس لبس عادي وعلامات الحزن والخجل واضحه عليه وكل الحاره عم تتفرج عليه وتضحك .

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 15 : فتحي وابو شهاب

فتحي : عقيد !! ضليت دق عليه بس ما كان حدا يرد !!
يظهر انو مو بالبيت !!
ابو شهاب : بسيطه !! بتروح ع البيت وبتضل واقف قدامو لبين ما يرجع وما بتترك مكانك لحتى يجي ابو ساطور او اجيك انا !!
فتحي : امرك عقيد !!

☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆☆

المشهد 16 : بيت عمر

يدخل عصام ومعتز البيت ويكون ابو عصام بانتظارهم !! يشاهدون اباهم واقف امامهم فيقفون امامه وتذرف دموعهم !! فيرتمي عصام باحضان ابيه ويقبل يديه وهو يبكي !! وينتهي عصام من لقاء ابيه
فيقف معتز في مكانه ويبدأ بحركة راسه المعتاده وتعتصر عيونه بالدمع ويقول !! يا بي !! معقوول !! كل هالمده انت عايش ونحنا ما منعرف !!
فيتبسم ابو عصام ويفتح ذراعيه لابنه ” الابضاي ” معتز ” فيهجم عليه معتز ويحضنه بحراره شديده ويتحسس وجهه ويقبل يديه ويقول !! اشتقتلك يابي كتييير !! بدونك الحياه ما الها طعمه !! والحاره بدونك بتضل صغييييره!! والله رجع كبير الحاره رجع !! والله وراح ترجعي يا حارة الضبع !! راح ترفعي راسك لفوووق فوووق فووووق … وبعد ان يجلسوا !!!
ابو عصام : شلون امكن واخواتكن ؟؟
معتز : امي الله اعلم شو راح يصيبها اذا عرفت انك لسا عايش !!
عصام : صحيح يا بي !! مين هادا الرجال ” اشارة لابو عمر ”
ابو عصام : هادا ابو عمر !! عمر الفوال !! اللي اجاكن ليطلب الدين اللي اخدتو منو !! وياللي فتح حمصاني عندكن بالحاره!!
معتز وعصام ينظرون لعبضهم ويوقولون : عمر !!!!!!!!!!!!!!

10 02 2010
majjood

الأخ عبد الله النمري:
أرى لديك هواية قوية بكتابة السيناريو وأعجبتني فكرتك بإعادة أبو عصام وأبو شهاب للحارة ، لذا أرى أن نتواصل مع المخرج بسام الملا ربما يعطينا حقوق إخراج الجزء الخامس :)

8 03 2010
ابو العز

لو ابو شهاب رجع واللهوالله باب الحارة يصير احسن مسلسل

19 05 2010
خربشات

هههههههه حقا مدونة أكثر من رائعة ما يضحكني هو التسجيل الصوتي لاشيئ مستحيل

الأخ عبد الله سيناريو متقن حقا

شكرا لكم

17 08 2010
اسامة من فلسطين

والله حرام عنجد ابو شهاب يكون ميت ابو دارع الي كتلو بظهره بسكينة

والمخرج اهبل الي عمل هيك المفرد راجع ابو شهاب وصارت احذاث تانية

ابو دراع قتل ابو شهاب والله حاجة حلوة

هههه
مسلسل بايخ

17 08 2010
يوسف

لا ابو دراع ما اتلو لبو شهاب ابو دراع اتل ابو غالب و ابو حاتم رح يقل مامون بيك ابو طاحون ينقتل برصاصة ام جوزيف تقتل العسكر وتحمي بنت من الحارة ابو دراع بتصاوب بكتفو عصام يتفج ويصرف بلحارة ابي عايش ياناس بعد بعد ابو عصام ما كشف مامون بك انو جاسوس فرنساوي عصام يقلو لابو دراع العقيد هية وضرسة ويرد على عصام يقلو انا ماقتلت ابو شهاب انا عصم يرد يقلو لكان مين ابو دراع ما يرد معتز يقتل دركي ويهرب يهربو رجال الحارة لبيت اليدعشر مان يهر للحارة التاني وبعدي يهجم العسكر على حارت الضبع و يتخانئو وضرب وي شلحوهن سلاحون ابو خاطر ينسرق

19 08 2010
abu Assam

يا ترى من راح يموت بسام الملا بي هل جزء 5 ؟ معتز ولا ابو حاتم؟
مع الاسف احلا الممثلين بيموتو من غير سببب. الجزء 1 الادعشري،الجزء 2/3 ابوعصام،الجزء 4/5 ابو شهاب وغيرهم كثير.
الجزء 5 شافل بمعنى الكلمه مثل الجزء .4
اذا راح يكون في جزء 6 فابافضل انه شخصية المخرج تموت هل مره ومش واحد ثاني. مخرج فاشل، هو حاب يكون البطل الوحيد للمسلسل مثل ما حكا سامر المصري.مشان هيك عم بيموت بي احلا شخصيات باب الحاره.
تحياتي

14 01 2012
عبير امال

انا من محبي باب الحاره 1.2.3.4.5. اتمنى التوفيق

18 01 2012
روند

السلام عليكم
عنجد باب الحارة اروع مسلسل شفته
ياريت العقيد ابو شهاب يرجع لكان احسن
بدنا جزء خامس رجاءا

22 01 2012
ابو حسن

والله ان المخرج حق باب الحاره فاشل يطرد الممثلين على كيفه شايف نفسه واصلن احسن اجزاء باب الحاره الاول والثاني والثالث ؟؟؟؟؟؟؟ والرابع والخامس سامجين لان مافي ابو شهاب وانا اتمنى ان يعملو مسلسل جديد زي باب الحاره

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s




تابع

Get every new post delivered to your Inbox.

Join 64 other followers

%d مدونون معجبون بهذه: